SOUTH NAGPUR COSTITUENCY l October 26, 2024
देशभरातील राजकारणात चर्चेत आलेल्या दक्षिण नागपूर विधानसभा मतदारसंघाची उमेदवारी अखेर जाहीर करण्यात आली असून, महाराष्ट्र प्रदेश काँग्रेस कमिटीचे सहसचिव तसेच दक्षिण नागपूरचे लोकप्रिय नेते गिरीश पांडव GIRISH PANDAV यांना दुसºयांदा संधी मिळाली आहे़ पांडव यांच्या समर्थकांनी नागपुरात जोरदार जल्लोष केला असून, आज शनिवारी सायंकाळी नागपूर आंतरराष्ट्रीय विमानतळावर त्यांचे जोरदार स्वागत करण्यात येत आहे़
मागील अनेक दिवसांपासून महाविकास आघाडीत मुख्यत्वे विदर्भातील जागांवर जोरदार काथ्याकुट सुरू आहे़ हा प्रश्न दिल्लीत पोहोचल्यानंतर याविषयी सर्वाधिकार ज्येष्ठ नेते बाळासाहेब थोरात यांना प्रदान करण्यात आले़ शेवटी नागपुरातील सहापैकी चार जागांवर उमेदवार घोषित केले़़ मात्र, दक्षिण नागपूर होल्डवर ठेवण्यात आला होता. आता ही जागा ‘क्लीअर’ झाली असून, गिरीश पांडव उमेदवार ठरले आहे़
विमानतळावर जोरदार स्वागत
गिरीश पांडव यांना काँग्रेस पक्षाचे उमेदवार जाहीर झाल्यावर डॉ. बाबासाहेब आंबेडकर आंतरराष्ट्रीय विमानतळावर आज सायंकाळी पाच वाजता आगमन होत आहे.
ब्लॉक काँग्रेस कमिटी अंतर्गत सर्व सन्माननिय नेते, माजी नगरसेवक, पदाधिकारी, एन.एस.यू.आय, युवक काँग्रेस, महिला काँग्रेस, सेवादल, ओबीसी विभाग, अनुसूचित जाती विभाग, अनुसूचित जमाती विभाग,अल्पसंख्याक विभाग तसेच विभिन्न सेलच्या सन्माननीय पदाधिकारी व कार्यकर्त्यांनी याप्रसंगी उपस्थित राहावे, असे आवाहन ब्लॉक काँग्रेस कमिटी-६ दक्षिण नागपूरचे अध्यक्ष दिनेश तराळे, प्रभाग-31, दक्षिण नागपूरचे अध्यक्ष दामोदर धर्माळे यांनी केले आहे.
अन्य राजकीय बातम्या
SOUTH NAGPUR CONSTITUENCY… तर मग ठरलं, गिरीश पांडवांच्या समर्थकांचा जोरदार जल्लोष
