HIT AND RUN : पुण्यातील ‘पोर्शे हिट अँड रन’ प्रकरण अख्ख्या देशात गाजत असतानाच पुन्हा मुंबई आणि पुण्यात ‘हिट अँड रन’ घटना घडली आहे. वरळीत एका मस्तवाल मुलाने महिलेला चिरडले, तर पुण्यात समोरून येत असलेल्या कारचालकाने पोलिस कर्मचाºयाचा बळी घेतला. अशाप्रकारच्या समाजविरोधी घटनांतून कुण्या कुटुंबाचा आधार क्षणात नाहीसा होत असल्याचे आढळून येत आहे. त्यामुळे समाजात प्रचंड चीड निर्माण होत आहे.
माहितीनुसार,जुन्या पुणे-मुंबई महामार्गावर बापोडीजवळ अज्ञात वाहनाने दोन पोलिसांना चिरडले़ यात एका पोलिस कर्मचाºयाचा मृत्यू झाला, तर दुसरा कर्मचारी गंभीर जखमी झाला़ही दुर्घटना रविवारी मध्यरात्रीनंतर घडल्याचे सांगण्यात येते.
समाधान कोळी आणि पी. सी. शिंदे हे दोघे पोलिस कॉन्स्टेबल रात्रीची गस्त घालण्यासाठी दुचाकीवरून निघाले होते. जुन्या पुणे-मुंबई महामार्गावर हॅरिस ब्रीजच्या खाली असताना समोरून वेगाने आलेल्या चारचाकी वाहनाने त्यांना जोरदार धडक दिली. यात समाधान कोळी यांचा मृत्यू झाला़ तर पी. सी. शिंदे गंभीर जखमी झाले़ अपघातानंतर वाहनचालक वाहनासह फरार झाला.
संतापजनक : महिलेस फरफटत नेले
मुंबईच्या वरळीत एका मस्तवाल मुलाने आपल्या चारचाकीने दुचाकीवरून जात असलेल्या दाम्पत्याला जोरदार धडक दिली आणि महिलेस काही अंतर फरफटत नेल्याचा संतापजनक प्रकार शनिवारच्या रात्री घडला.
यातील मृत महिला ही ज्येष्ठ अभिनेते जयवंत वाडकर यांची सख्खी पुतणी असल्याची माहिती समोर आली आहे़
माहितीनुसार, मिहीर शहा याने आपले कार वाहन अनियंत्रित चालवून प्रदीप नाखवा आणि कावेरी नाखवा या दाम्पत्याला जोरदार धडक दिली. यात प्रदीप थोडक्यात बचावले असून, कावेरी यांना मात्र मिहीर यांनी फरफटत नेले. घटनेनंतर आरोपी मिहीर फरार असून, पोलिसांनी ११ पथके त्याचा शोध घेत आहे़ दरम्यान, पोलिसांनी अख्खे शहा कुटुंबावर गुन्हे दाखल करण्याची प्रक्रिया सुरू केली आहे़ कारण या सर्वांनी आरोपीचा बचाव केल्याचे पोलिसांनी म्हटले आहे़ यात आरोपीच्या मैत्रिणीचाही समावेश आहे.
