#sanjay nirupam # rajsatta
SANJAY NIRUPAM : काँग्रेसमधून निलंबित करण्यात आलेले संजय निरुपम यांनी शुक्रवारी शिवसेना (शिंदे गटात) पक्षात प्रवेश केला आहे. मुख्यमंत्री एकनाथ शिंदे यांच्या उपस्थितीत संजय निरुपम यांनी काही कार्यकर्त्यांनी शिवसेनेचा झेंडा हाती घेतला. दोन दिवसांआधी त्यांनी मुख्यमंत्री शिंदे यांची भेट घेतली होती.
काही कारणांमुळे 2004-05 मध्ये शिवसेना पक्ष सोडला होता़ मात्र, काँग्रेसमध्ये राहून बाळासाहेबांच्या विचारांवर काम करण्याची अडचण येत होती़ ती अडचण आता आमच्यासमोर नाही़ शिवसेनेत प्रवेश करण्याचा अंतिम निर्णय घेतलेला आहे. वीस वर्षांनंतर स्वगृही परतत आहे. मी एकटाच नाही तर कुटुंबासह शिवसेनेत प्रवेश करत असल्याचे निरुपम यांनी सांगितले़ हा सौभाग्याचा दिवस असून, आपल्या अंगी बाळासाहेबांचे विचार भिनलेले आहेत, असे त्यांनी नमूद केले़
दरम्यान, ज्येष्ठ नेते संजय निरुपम यांना सहा वर्षांसाठी पक्षातून निलंबित करण्यात आले होते़ पक्षाविरोधात भाष्य केल्याने त्यांना पक्षाबाहेरचा रस्ता दाखवण्यात आला. निरुपम यांनी काँग्रेसच्या ‘इंडिया’आघाडीतील शिवसेना उद्धव बाळासाहेब ठाकरे गटाबद्दल आणि गटाचे नेते उद्धव ठाकरेंबद्दल वादग्रस्त वक्तव्ये केली होती़